Ibiliz fundazioari esker, pasa den ostiralean kirolaren inguruko saio berezia izan genuen DBH 3. mailako ikasleok. Lehendabizi gelan bi kirolari profesionalen bizimodu eta esperientziak ezagutu genituen. Alde batetik, Julene Sanchez belar hockey jokalariak kirola bere egunerokotasuneko zereginekin nola uztartzen duen kontatu zigun, eta, bestetik, Ibon Mugerza surflariak istripu batek bere kirolari bizitza nola aldatu zuen eta gaur egun kirolak bere bizitzan duen garrantziaz aritu zitzaigun. Bizi-istorio benetan baliotsuak!

Saioari amaiera emateko, kiroldegian hainbat jolas egin genituen Real Sociedad Fundazioko monitoreen gidaritzapean talde lanaren garrantziaz jabetzeko.