Inguruneko arloan lantzen ari garen ‘Landareak lurraren opari’ proiektuaren baitan, 5. mailakook Natur eskolara bisita egin dugu. Herbario bat sortzea genuen helburu, eta, horretarako, hosto desberdinak biltzen aritu ginen lehenik Natur eskolako kideen azalpenekin. Hamarretakoa egiteko tartea hartu genuen bitartean, hostoak lehortzen utzi eta hauek herbarioan identifkatzen aritu ginen azkenik. Goiz pasa ederra egin genuen! Mila esker Natur eskolako kideoi irakatsitako guztiagatik!

Lehen hezkuntzako lehen zikloko ikasleak “Lehen Gizakia” proiektua lantzen ari garen honetan, bi irteera egin ditugu, Natur Eskola eta Arrikrutzera hain zuzen ere. Natur eskolan Lehen Gizakiek asmatutako tresnak ezagutzeaz gain, horien eboluzioa eta bitxikeriak landu genituen. Gainera , taloa egiten ikasi eta bertan hamarretakorako jan genuen. Ze goxoa! Arrikrutzen berriz, kobazulora bisita egiteaz gain, lehen gizakiek sua nola egiten zuten ikasi eta praktikan jarri genuen.

DBH 4. mailako hainbat ikaslek Oñatiko mitologiari buruzko irteera egin dugu aste honetan, Natur Eskolako lagunak gidari ditugula. Aizkirriko koban hasi genuen txangoa, Mariri eta lamiei buruzko kontuak entzun bitartean, eta handik Aitzgainera joan ginjen. Han, jentilen pasabidearen berri eman ziguten. Ibilbidea Arantzauzn bukatu genuen. Falta den gelak, datorren astelehenean egingo du txangoa.

Joan zen astean Natur Eskolako hezitzaileekin goiz pasa polit bat egin genuen. Ikastolatik irten eta San Martinera bidean dauden naturako elementuak behatu genituen. Ondoren, San Martingo zuhaiztian hainbat ekintza eta jolas egiteko aukera izan genuen.

Jasotako azalpenetatik asko ikasi dugu! Ikertzaile bikainak gara!

Natur Eskolakoen eskutik, Batxilergoko 1. mailako ikasleok Karst paisaiaren sorrera eta garapenaren inguruan hainbat gauza ikasi dugu Gesaltza-Arantzazu artean egindako irteeran.

Iazko ikasturtean DBH 1. mailan burutzen den Geologiari buruzko irteera egin gabe gelditu zitzaigula eta, urtarrilaren 27an eta 28an DBH-ko 2.mailako bi gelek Natur Eskolako begiraleek lagunduta irteera egin genuen Arantzazu ingurura. Bidean, harriei, mineralei eta paisaiari buruzko azalpenak jaso genituen.

Pasa den astean, urtarrilaren 19, 20 eta 21ean, lehen mailako ikasleak Oñatiko Natur Eskolara joan ginen eta han lehen gizakien bizimodua aztertu genuen: zer jaten zuten, nola janzten ziren, non bizi ziren… Bide batez, antzina-antzina elikagai garrantzitsua izan zen taloa egin genuen. Primerakoa irten zitzaigun eta txistorra edota txokolatearekin oso gustura jan genuen guk prestatutako taloa!!

Aukera hau aprobetxatu gura dugu eskerrak emateko Natur Eskolako lagunei. Bikainak zarete!!

Gu sortu ginen enbor beretik... sortuko dira besteak... gaia oinarri hartuta, apirilaren 29an, Natur Eskolan izan ginen basoa ekosistema lantzen. Guardasola, botak eta lupa hartu eta hor abiatu ginen ikerketa lanetan aritzera. Gustura jardun ginen alderdi berriak ikusten, aztertzen eta ikasten.

Hemen argazki bilduma: