Txantxikuak 2zirik taldeko kideekin DBH 1. mailako ikasleok bihotz-biriketako bizkortzea (BBB edo RCP gaztelaniaz) zer den eta nola egin behar den ikasteko tailerra izan dugu aste hoentan. Saio teorikopraktikoak izan dira, egoera ezberdinak ikusi ditugu eta kasu bakoitzean nola jokatu behar dugun ikasteko aukera paregabea izan da. Eskerrik eman nahi dizkiegu ekimen honetan parte hartu duzuen Gema Bikuña, Leire Fernandez, Larraitz Legorburu eta Arantzazu Ugarte Txantxikuak 2zirik taldeko gurasooi. Jarrai dezagun ikastolaren komunitatearen baitan jakintza partekatzen!

Pasa den asteartean, martxoak 9, LHko 5. mailako ikasleek lehen sorospenen saioa izan genuen Juan Jose Sagarzazu eta bertsolaritzako gure irakasle den Mirari Sagarzazurekin. Ordubeteko saioan, ikasleek bihotz-biriketako bizkortzea (BBB) nola egiten den berrikusi eta praktikatu genuen. Horrekin batera, desfibriladorea nola erabili beharko genukeen ere azaldu ziguten.

Aurreko asteetako martitzenetan Batxilergo 2. mailako ikasleak Oñatiko anbulatorioan izan ginen. Bihotz Biriketako Geldialdia (BBG) ezagutu eta berau gainditzeko  Bihotz Birika Bizkortzea (BBB) praktikatzen ikasi. Bertako profesionalek, ezertan hasi aurretik, laguntza eskatzearen garrantzia adierazi ziguten, eta desfibriladorearekin lana nola egin behar den azaldu. Benetan da erraza eta bizitza salba dezake.