Oñatiko jaiak direla eta, datorren asteko zapatuan, irailaren 23an, Haurren Danborrada izango da herriko kaleetan zehar. Urteroko ohiturari jarraituz, bezperan, irailaren 22an, egubakoitza, Danborrada antolatu dugu goizeko 11:00ak aldera Txantxiku ikastolan. Haur Hezkuntzako 3, 4 eta 5 urtekoak eta Lehen Hezkuntzako 1. zikloko ikasleak San Juan kaletik behera plazaraino joango dira. Ikasle bakoitzak desfilerako danborra etxetik ekarri beharko du. Gorroak edo txanoak berriz, gelan prestatuko ditugu.

Danborra zintzilik, makila parea eskutan eta ikasleek ikasgelan atondutako txanoa buruan, danbor hotsez gozatu dugu egubakoitz goiza. Haur Hezkuntzako 3, 4 eta 5 urteko eta Lehen Hezkuntzako 1. eta 2. mailako ikasleak izan gara parte-hartzaileak, eta DBHko ikasleak izan ditugu laguntzaile.

Giro ederra izan dugu eta asko poztu gaitu familiako kide eta lagun pila bat gu ikusi eta txalotzera hurbildu izanak. Eskerrik asko guztioi!