Pasa den astean, 3. mailako ikasleak Orioko aterpetxean egon ginen hiru egunez, eta esperientzia zoragarria bizi izan genuen. Aterpetxera heldu aurretik, Donostiako Aquariumera joan ginen. Bertan itsasoko animalia eta inguruneei buruz gauza asko ikasi genituen, eta oso interesgarria izan zen bisita.
Ondoren, Oriora abiatu ginen. Aterpetxean primeran ibili ginen: jolasean, barre artean eta lagunekin momentu ederrak partekatu genituen hango eremu ederretan. Herrira ere irteera egin genuen, eta Orioko Ikastolako 3. mailako ikasleekin batera Alde Zaharra ezagutu genuen. Ondoren, denok elkarrekin parkean jolasten aritu ginen, eta oso ondo pasa genuen. Lagun berriak egiteko aukera izan genuen, eta esperientzia benetan polita izan zen.
Egun zoragarriak pasa genituen elkarrekin, eta oroitzapen eder askorekin itzuli ginen etxera. Asko gozatu genuen!
