Joan den astelehenean DBH 3ko ikasleek egun osoko irteera egin zuten Donostiara. Ikasgelatik kanpo ere asko ikasteko eta, batez ere, lagunartean gozatzeko aukera izan zuten.
Goizean, Txuri Urdin izotz pistan hasi zuten eguna. Batzuk motelago eta beste batzuk azkarrago, baina denak ibili ziren patinen gainean trebezia erakusten eta bertako monitoreek proposatutako erronkak betetzen.
Arratsaldean, "Esperantzara Kondenatuak" PROIarekin lotuta, Eureka! Zientzia Museoa bisitatu zuten. Museoko txokoak arakatzeaz gain, Elektrizitate tailerrean parte hartu zuten, bertan landutako kontzeptuak praktikan jarriz eta esperimentu bitxiak eginez. Laburbilduz, egun borobila izan zen: gustura patinatu zuten eta zientziarekin jolasean esperimentatu. Egun ederra izan zen!
