Irudia
Datorren ekainaren 13an Euskaltzaleon Martxa hartuko du, Euskalgintzaren Kontseiluak deituta, ‘Euskaraz bizitzeko behar den dena’ lelopean.
Martxa 17:00etan abiatuko da hiru gunetatik: Antoniutti parketik, Runa parketik eta Askatasun enparantzatik. Hiru zutabeak Gazteluko plazan elkartuko dira, eta han egingo da amaierako ekitaldia.
Mobilizazioak euskaraz bizitzeko beharrezkoak diren baldintzak aldarrikatu nahi ditu, eta hiru erronka nagusi azpimarratu: ofizialtasun osoa, hizkuntza-politiketan jauzi bat ematea eta euskaltzaleen mugimendua indartzea. Aldarrikapen horiekin bat egiten dugu Txantxiku Ikastolan, eta gure atxikimendua adierazteko, ikasle eta langileok taldeko argazkiak atera ditugu.
