Aste honetan, LH 1. eta 2. mailako ikasleak Natur Eskolara joan gara, gelan lantzen ari garen Naturaren sekretuak gaian gehiago sakontzeko.
Lehenik eta behin, Aldakiñoko basoan zehar ibilaldi txiki bat egin dugu. Basoko soinuei arreta jarriz, zozoaren kantua entzun dugu eta, ingurunea arakatuz, uretako uhandrea eta burduntziak ere ikusi ditugu; baita eskuetan hartu ere. Esperientzia honek naturaren aberastasuna gertutik ezagutzeko aukera eman digu.
Ondoren, Natur Eskolan, gelan landutako edukiak praktikan jartzeko aukera izan dugu. Animalien ezaugarriak aztertu ditugu, ornodunak edo ornogabeak diren identifikatuz, eta haien sailkapena eta bizimodua hobeto ulertu ditugu.
Irteera honen bidez, naturaren sekretuak ikasi ditugu. Eskerrik asko Aimarri eta Natur Eskolako lagunei!
