LH 5. mailako ikasleok, otsailetik maiatzera bitartean, hiru tailer desberdinetan aritu gara burubelarri lanean: antzerkigintzan, sukaldaritzan eta True-True robotikan. Lehenengo lauhilekoan pertsonaiak eta adierazpenak landu ostean, bigarrenea hori guztia testuinguratu eta 4. mailako ikasleei aurkeztu genien. Oso urduri geunden, baina bikain atera ziren 3 antzezlanak.
Sukaldaritza tailerrak izugarrizko arrakasta izan du, denoi asko gustatu zaigu! Sukaldari txanoak jantzi, talde txikitan banatu eta errezeta gozo-gozoak egiten ikasi dugu: gazta-tarta, San Blas opila, patata tortilla… Orain etxean gurasoei ikasitako guztia erakustea bakarrik falta zaigu. Azkenik, pentsamendu konputazionalaren munduan murgildu gara True-True robota ezagutuz. Saioz saio, robot txiki honek dituen aukerak ikasi ditugu.
Bikoteka egin dugu lan eta tailerraren helburua erronkak sortzea izan da, elkar trukatu eta buruari eraginez, hauei irtenbidea emateko. Pentsamendu konputazionalaren lehenengo pausoak ematen gustura aritu gara!
