Astelehen goizean Aita Mari itsasontzia ikur duen salbamendu proiektuak 8. misioari ekin zion. Mallorcatik atera ziren goizeko 7:00etan Mediterraneo erdialdera, eta itsasontziko kapitainak eta erizainak Txantxiku Ikastolako ikasleekin zuzenean konektatzeko tartea hartu zuten. DBH 3. eta 4. mailako ikasleak izan ziren eskifaiako kideekin hitz egiteko aukera izan zutenak. Ontzia goitik behera erakutsi zieten eta misioaren nondik norakoen berri ere eman zuten.

Milesker! Zorterik onena opa diegu!

Ibiliz Fundazioari esker, Julene Sanchez belar hockey jokalariarekin eta Ibon Mugerza surflariarekin solasean aritzeko aukera izan dute DBH3ko ikasleek. Ostean, Real Sociedad Fundazioko monitoreek gidatuta talde lanaren garrantziaz ohartzeko hainbat jolas egin dituzte.

3. mailako ikasleak Ulma Pipping bisitatu dugu azken asteotan. Hasteko Ulma taldearen historia eta Ulma Piping-en ezaugarriak eta han egiten diren produktuak aurkeztu zizkigun Mertxe Ibabek. Jarraian, lantegia zuzenean bistatzeko aukera izan genuen: forja, mekanizatua eta biltegiak. Hemendik, azalpenak ematen eta bisitaldia gidatzen aritu ziren Mertxe Ibabe, Jon Arrilaga, Manttoni Biain eta  Asier Zuluetari gure esker ona agertu nahi diegu.

Urtero moduan aurten ere, DBH 3. mailako ingeles gaian lantzen den kultura aniztasunarekin lotuta, Soziologiako hainbat ikasle atzerritar izan dugu ikastolan beraien herrialdeetako kulturen berri ematen. Gure ikasleen galderak erantzun zituzten gustu handiz; guk geure dantza eta kantuak eskaini genizkien. Saioa bukatzeko guztiok elkarrekin argazkia atera genuen ikastolaren kanpoaldean eguraldi zoragarria aprobetxatuz. Mila esker bisitariei!!