LH 4. mailako ikasleok jorratzen ari garen Ortua Eskolako proiektuaren barruan, udako uzta jaso eta udazkenerako lurra prestatzen aritu gara. Udan barrena makina bat tomate, piper edota alberjinia jaso ostean, aste honetan kuia edo kalabazak (‘Cabello de Angel’ eta ‘Potimarroiak’), kuiatxoak (‘Luffa’) eta artaburuak batzeko garaia iritsi zaigu.

Martxoaren 8an, goizeko 10:00etatik 13:00etara, ikastolako gurasook eta langileoak auzo­lanean baratza egokituko dugu. 

Orain arte eguraldiak gehiegi lagundu ez badu ere, udaberrian ORTUA ESKOLA martxan jarri nahi dugu, eta gure ikasleak bertan lanean has daitezen, aurrez egokitzapen lan batzuk egin behar ditugu: ureztatze sistema jarri, negutegirako sarrera egokitu, inguruak garbitu... Hori dela eta, martxoaren 8an, goizez, auzolanean lan horiek guztiak egin nahi ditugu.