Txantxiku Ikastolaren asteko egitarauaren baitan, astean zehar, HH eta LH etapetako ikasleek txotxongilo edota Porrotx eta Mari Motots pailazoez gozatzeko aukera izan dute.
Egubakoitzari dagokionez, Haur Hezkuntzan eta Lehen Hezkuntzan ekintza bereziz beteta hasi dugu eguna. Eta Bigarren Hezkuntzako ikasleek ere goizean goiz hasita egitarau oparoa izan dute. Alde batetik, txapelketak: futbola, eskubaloia, futbolina, frontenisa, patata tortila... Eta iaz sekulako arrakasta izan zuen Harri orri ar txapelketa! Bestetik, naturaz gozatzeko aukera ere izan dute. Batzuek mendi ibilialdia egin dute, beste batzuk bizikletaz joan dira mendira, eta mendian yoga egin dutenak ere izan dira!
Ostean, ikasle eta irakaslean arteko bazkaria egin dugu giro ezinhobean. Amaitzeko urteroko bazkalosteko jolasak egin ditugu Ttakeko kideek antolatuta.
Eta gogoratu, arratsaldean Santa Anan jolas parkea izango dugu eta Zubikoa frontoian ikasle zein gurasoentzako emanaldi nagusia. Eta hori gutxi balitz, biharko ere ekintzaz betetako egitaraua dugu!
