Egungo gizartea etengabeko aldaketan murgilduta dago, eta aniztasuna du ezaugarri nagusi. Testuinguru horretan, ezinbestekoa da hezkuntza sistemak aniztasun horri erantzutea, gizartearen isla baita eta oraingo eta etorkizuneko herritarrak prestatzeko ardura baitu.
Aurten, jardunaldiak hezkuntza-komunitate osoari irekita egongo dira: irakasle, hezitzaile eta hezkuntzarekin lotura duten gizarte-eragileei. Izan ere, ikastolek gizarteak ezartzen dizkien erronkei modu amankomun eta partekatuan erantzun nahi diete, elkarlana oinarri hartuta. Jardunaldi hauetan, hezkuntza inklusiboa izango dugu ardatz, ikasle guztientzako kalitatezko eta ekitatezko hezkuntza bermatzeko bidea. Jardunaldiak Donostian izango dira, Kursaalen.
Adituen hitzaldiak ondokoak izango dira:
- Serge Ebersold: “Irisgarritasuna, norbanakoari egokitutako eskola inklusiboaren baliabidea”
- Ane Urizar Zugazagoitia: “Euskaldun guztiak ez gara zuriak”
- Mel Ainscow: “Hezkuntzan praktika inklusiboak sustatzen: nazioarteko esperientzietatik ateratako ikasgaiak”
- Uxue Fernandez Lasa: “Inklusioa jarduera fisikoan: argi-itzalak”
