Lehen Hezkuntzako 3. eta 4. mailako ikasleok ‘Denok bat’ proiektua landu dugu azken asteotan. Helburua kulturartekotasuna eta aniztasunaren balioa ezagutzea izan da, eta horretarako munduko txoko askotako informazioa jaso dugu. Proiektuaren amaieran, ikasitakoa partekatzeko eta kultura ezberdinen aberastasuna ospatzeko azoka multikulturala antolatu genuen gure ikastetxean.
Azokan, gelan landu ditugun kultura guztien inguruko informazioa eta ezaugarri interesgarriak azaldu zituzten stand-ak jarri genituen. Helburua argia izan zen: kultura guztiak ezagutu eta guztiei garrantzi bera ematea, denak baitira beharrezkoak mundua hobeto ulertzeko eta aberasteko. Goizean, 5. mailako ikasleak gerturatu ziren gure lana ezagutzera, eta arratsaldean gurasoak izan genituen bisitan. Parte-hartzea oso handia izan zen, eta ikasleak poz-pozik gelditu ziren beraien proiektuak eta ezagutza partekatu ahal izan zituztelako.
Eskerrik beroenak eman nahi dizkiegu proiektuan zehar Txinako, Suitzako, Alemaniako, Kolonbiako, Italiako... informazioa gurekin partekatu duzuen familia eta lagunei. Zuen ekarpen eta parte-hartzea —izan gelara etorriz, zein informazioa eta materialak bidaliz— oso baliagarria izan zaigu. Era berean, eskerrik asko azokan giro berezia sortu zenuten guztioi: etxetik ekarritako janari eta edariei esker, kultura guztiak gertu sentitu genituen.
Benetan egun berezia izan zen, eta gure proiektua askoz ere aberatsagoa bihurtu da zuen laguntzari esker!
