Irudia
Oñatiko inguruak gehiago ezagutzeko asmoz, LH 6-ko ikasleak Natur Eskolan izan ziren aurreko astean. Bertan, Oñatiko erliebearen ezaugarriak aztertzeko eta gure ingurunea hobeto ulertzeko aukera paregabea izan genuen. Natur Eskola barruan zein kanpoan aritu ginen: mapak, maketak eta ingurua behatzen aritu ginen, gure herriko mendiak, ibaiak, haranak… Egun zoragarria izan zen; asko ikasi eta primeran pasa genuen lagunen artean. Gure herriko ingurune aberatsaz goxatzeko eta gure herria eta natura hobeto ezagutzeko eta herriko paisaia hobeto ulertzeko aukera ezin hobea izan zen.
