DBH 1. mailako ikasleok ‘Batzen’ izeneko lehenengo PROIa amaitu berri dugu. “Nola lortu dezakegu benetako arrakasta dominen erronkan osasuna kaltetu gabe?” galdera gidariaren inguruan jardun dugu lanean eta osasunaren hainbat alderdi aztertu ditugu.
Beste ezagutza askoren artean, bost osasun mota dauzkagula jakin dugu eta bostak zaintzea ezinbestekoa dela ohartu gara. Baina nola zaindu guztiak?
Izan ditugun ideiak geletako dekalogoan batu ditugu (azpian ikus ditzakezue). Orain bertan jasotako ideiak praktikara eramatea dagokigu! Bestalde, dekalogoetako arauak kontutan izanik, dominen erronka ere burutu dugu. Bertan, talde lana bultzatuz, taldean hainbat erronka bete ditugu; adibidez, patinetan ibili, yoga egin, elkarri mezu positiboak idatzi...
Gustura ibili gara jarduera hauek pentsatu eta gauzatzen, eta ikasitakoa praktikan jartzen.
