Batxilergoko azterketa astea pasa berritan, 2. mailako Jarduera Fisikoa, Aisia eta Osasuna irakasgaiko ikasleekin burututako erronka baten berri eman nahi dizuegu: azterketa astean sare sozialak blokeatu genituen.
Euren hitzetan, lehen eguna gogorra egin zitzaien, baina egunak aurrera joan ahala, gero eta erosoago sentitu ziren, eta, azken egunetan, ia gogoratu ere ez ziren egiten. Euretako baten hitzetan: “inoiz ez dut horrenbeste ikasi, izan ere, atsedena hartzen nuen bakoitzean ez nekien zer egin eta berehala itzultzen nintzen ikastera”. Ikasleen gehiengoak hurrengo azterketa garairako esperientzia errepikatzearen alde egin du. Bide batez, zorionak guztiei, denek lortu baitute erronka gainditzea.
Esperientzia interesgarria izan da dopaminaren efektuak guregan sentitzeko eta sare sozialen boterea mahaigaineratzeko.
