Batxilergoko ikasle batzuk Euskal Herriko II. Hikadromoan

Durangoko Azokako ekintzen artean, abenduaren 6an, zapatuan, Bagera, Zirhika eta Badiharduguk antolatuta, Euskal Herriko II. Hikadromoa izan zen. Txantxiku Ikastolako 1. Batxilergoko lau ikasle euren kabuz joan ziren egun horretan azokara, eta egitarauan II. Hikadromoa zegoela ikusi zuten. Euskarako klasean ekintza horretaz hitz egindakoak ziren, eta parte hartzea erabaki zuten.

Euren hitzetan esperientzia oso positiboa izan zen eta giro ederrean aritu ziren. Alde batetik, Euskal Herriko txoko ezberdinetako euskalkiak entzuteko aukera izan zuten. Bestetik, parte-hartzaileetako asko adinekoak ziren, eta gure lau ikasleen berbetan, interesgarriena jende horrek kontatutakoak entzutea izan zen, euren esperientzia, bizipenak... Biba zuek!