Goizeko lehenengo orduetan Lehen Hezkuntzako ikasleok Olentzero eta Mari Domingirekin egon gara eta opariak jaso ditugu euren eskutik. Ondoren, Haur Hezkuntzako guneak bisitatu dituzte eta ikasleon eskutitzak, marrazkiak... jaso dituzte eta opariak ere ekarri dizkigute. Ilusio izugarria egin digu guztioi eurekin egotea eta oso pozik geratu gara ikasturtean zehar oso baliagarriak izango zaizkigun opariak jaso ditugulako.
Bestalde, goizeko 11:15ean ikastolako patioan elkartu eta kalejiran joan gara guztiok plazara, musikarien eta Olentzero eta Mari Domingiren laguntzarekin. Han, BHko ikasleekin elkartu eta guztiok batera gabon kantak abestu ditugu. Etorri datorren urtean ere Olentzero eta Mari Domingi, zain egongo gara eta!
DBH 2. mailako ikasleek prestatu duten azoka ikusgarriaz ere gozatu dugu. Etxetik ekarri dituzten jaki goxo-goxoak erosteko aukera izan dugu bertan, baita txistorra eta tortila jatekoa ere. Eguraldiak ez du gehiegirik lagundu eta plazan egin beharrean, udaletxeko arkupetan egin behar izan dugu, baina, hala ere, jendea asko hurbildu da eta giro paregabea izan dugu!
Gogoratu, halaber, eguaztenean, abenduaren 24an, 11:30etan ikastolako patiotik abiatuta, kalez kale Gabon kantak abestuko ditugula. Familia guztiak animatu nahi ditugu ekintza honetan parte hartzera. Etorri zaitezte!
