Irudia
Aurreko egubakoitzean, Durangoko Azokara joan ginen DBH 4. mailako ikasleak. Bertan giroaz gozatu genuen eta postu desberdin ugari ikusten aritu ginen. Liburu berriak, diskoak eta artista ezagunak ezagutu genituen, batzuk sinatzen eta beste batzuk beren lanak aurkezten zebiltzala.
Horretaz gain, artisau azokan ere egon ginen, eskuz egindako lan ugari ikusi genituen eta hori gutxi balitz, horiek sortzeko egin beharreko prozesua zein den ikasi genuen. Bisita oso atsegina izan zen, aurkikuntzaz eta euskal-giro onez betea.
