Irudia
Abenduaren 18an, herriko zaharren egoitza eta eguneko zentroa bisitatzeko aukera izan dugu, Gabonetako kantuak abestuz bertako egoiliarrengan eta erabiltzaileengan alaitasuna zabaltzeko asmoz. Oso esperientzia hunkigarria eta aberasgarria izan da guztiontzat. Ikasleek ilusioz eta arduraz prestatu dituzte kantuak, eta emanaldiak harrera beroa izan du. Bertaratutako adinekoek poz handiz entzun dituzte gabon-kantak, eta une atsegin eta hunkigarriak partekatu ahal izan ditugu elkarrekin.
Eskerrak eman nahi dizkiegu ikasleei, euren jarrera eta parte-hartzeagatik, zein egoitzako eta eguneko zentroko langileei, harreragatik. Guztion oroimenean geratuko den esperientzia izan da.
