Eguaztenean, Hezkidetza lantaldeak proposatuta, Patata Tropikala Antzerki Laborategiko Judith Poves eta Iker Echarri DBH 2. mailako ikasleongana etorri ziren “Eta hala ez bazan? Edurnezuri” antzezlana aurkeztera. Istorio ezagunetik haratago, gaur egungo gizartean irudikatu dute ipuina eta erreinuko ederrena izateak dakarren presioaz aritu dira. Zer eragin izango luke pozoitutako sagarrak gaur egun? Bada, sare sozialetako filtroak betirako izateko balio duela irudikatu dute Patata Tropikalekoek.
Antzerki saioaren ostean, ikasleok ibili gara gidoilari lanetan eta gaiarekin lotutako moldaerak egin dizkiogu jatorrizko istorioari eta aktoreek horiek inprobisatu dituzte. Ikasleok oso ondo pasatu dugu saioan eta, gainera, hausnarketarako balio izan digu. Eskerrik asko!!
