Astelehenean, otsailaren 2an, LH 6. mailako ikasleek euskarako Eskuartean unitateari amaiera berezia eman zioten. Horretarako, LH 4. mailako ikasleei zuzendutako eskulan tailerrak antolatu eta aurkeztera joan ziren. Jardueran zehar, LH 6ko ikasleek irakasle lanetan jarduteko aukera izan zuten, aurretik prestatutako jarraibide testuetan oinarrituta. Eskulan ezberdinak proposatu zituzten, azalpenak eman eta LH 4ko ikasleak gidatu zituzten sortze prozesu osoan zehar.
Esperientzia aberasgarria izan zen bi mailentzat: LH 6ko ikasleek beren azalpen gaitasunak eta ardura landu zituzten bitartean, LH 4koek eskulan berriak sortu eta ikaskide nagusiekin elkarlanean aritzeko aukera izan zuten. Guztiek elkarrekin, ohiko errutinatik ateratako arratsalde atsegin eta ezberdin bat bizitzeko aukera izan zuten.
