LH 6ko ikasleek une berezi eta aberasgarria bizitzeko aukera izan zuten aurreko egubakoitzean, martxoak 27: Haritz Larrageta idazlearen bisita izan dugu gure ikastolan. Azken hilabeteotan, ikasleek Anna Kopeken hiru liburu irakurtzeko aukera izan dute, buru-belarri aritu dira irakurtzen, istorioez gozatu eta elkarrekin liburuen pasarteak partekatzen.
Lan horren fruitu gisa, gaur idazlearekin solasaldi atsegin eta hurbila partekatu dugu. Topaketan zehar, ikasleek euren iritziak adierazi, galderak egin eta idazketa-prozesuaren sekretu batzuk ezagutzeko aukera izan dute. Giro goxo eta parte-hartzailean, literaturarekiko interesa eta jakin-mina are gehiago piztu dira.
Esperientzia benetan aberasgarria izan da, eta ikasleek ilusioz hartu dute bisita.
