Irudia
Pasa den astean, Lehen Hezkuntzako 5. mailako ikasleok irteera berezia egin genuen Zuhatzako irlara. Abentura hasi aurretik, Leintz Gatzagako Gatz Museoa bisitatu genuen; bertako historia eta gatzaren ekoizpen prozesua gertutik ezagutzeko aukera paregabea izan genuen. Bisitaren ondoren, herrian bertan jolasteko tartea hartu genuen, eta bazkaltzeko unea ere giro atseginean igaro genuen.
Eguraldi bikainak lagunduta, Zuhatzan uretako jarduera ugari egin genituen: piragua, optimist, arrauna, windsurfa, bainua eta bestelako hainbat ekintza. Eguna borobiltzeko, iluntzean guztiok bildu ginen suaren inguruan, elkarrekin une bereziak partekatuz. Ondoren, atseden hartzera kanpamenduko etxetxora erretiratu ginen. Aurtengoa ere bikaina izan da!
