Skip to main content

Etapa bukaerei kantu, bertso, argazki eta pintxo artean agur

Irudia
HH 5 urtekoei omenaldia

Aurten, etapa bukaerei behar bezala amaiera emateko, HH 5 urtekoen gelan, LH 6n, DBH 4n eta Batxi 2n ekitaldi bereziak egin dira. Hala, egun ezberdinetan, etapa aldaketa izango duen talde bakoitzak bere agurra izan zuen.

HH 5 urtekoek sopresa polita jaso zuten. Ikastolako patioan 2, 3 eta 4 urteko lagunek Pirritx eta Porrotxen ’Agur bat, lagun maite!’ abestia kantatu zieten.

LH 6. mailakoek hamarretako partekatua egin zuten, eta ostean, hauei ere LH-ko gainontzeko ikasle guztiek eurentzat idatzitako bertso bereziak kantatu zizkieten ikastolako patioan. Amaitzeko, gelan, tutoreek ikasleei zuzendutako eskutitz bana irakurri zuten; urte hauetan elkarrekin bizitako esperientziak, ikasitakoa eta etorkizunerako desio onenak bildu zituzten hitz hunkigarrietan. Ikasleek ere hitza hartu zuten, bizitakoaz hausnartu eta sentitutakoa partekatzeko.

DBH 4ko ikasleak ere denak elkarrekin batu ziren, eta Julen Alberdi BH-ko koordinatzaileak hitz batzuk eskaini zizkien. Ostean, txikitako argazkia batzuk banatu ziztaizkien.

Azkenik, Batxi 2koen kasuan, iaz bezala, ikasleak eta euren gurasoak agur-otamen batera gonbidatuak izan ziren. Berezia da etapa bat amaitu eta bestera jauzi egitea, eta hemendik aurrera, behar bezala egingo dugu

Azken albisteak

Lantzen ari garen Eusjalgi PROIaren baitan, joan den astean LH 3. eta LH 4. mailako ikasleok Natur Eskolara joan ginen, gure herriko hizkeran eta Oñatiko ondare linguistikoan sakontzeko asmoz.
Azken asteotan bisita berezia jaso dugu ikastolan, Txantxikuak 2zirik guraso talde boluntarioa gurekin izan da, LH 3. eta LH 5. mailako ikasle eta irakasleoi lehen sorospenei buruzko saio praktikoa eskaintzeko.
Gipuzkoako Janari Bankua hornitzeko Janari Bilketa Handia egingo da asteburu honetan. DBH 3. mailako ikasleak gaur, egubakoitza, Arantzazuko Ama kaleko eta Errekalde auzoko Eroski supermerkatuetan egon dira boluntario…
Aste honetan DBH 3ko ikasleok ekintza ezberdin bat burutu dugu landutako “ITSASOA GARA” PROIarekin lotuta. Astelehenean ikasleok herriko ibaiak garbitzeko aukera izan genuen Natur Eskolaren laguntzarekin.