Irudia
Ikasturte amaiera ederra izan dugu DBH 1eko ikasleok, izan ere, bi eguneko irteera egin dugu Nafarroa aldera.
Astelehen goizean Amaiur herrian izan ginen, eta gelan ikasturtean zehar aipatu dugun gazteluaren aztarnak eta bertan dagoen monolitoa ikusi genituen. Baztandik Bortzirietara pasa ginen eta eguerdi eta arratsaldea Igantziko igerilekuan igaro. Ondoren Arantza herrira joan ginen eta bertako aterpetxean pasa genuen gaua. Martitzen goizean Zuhaitz Parkea hariztira ibili eder bat egin ondoren, han arborismo jarduera izan genuen. Esperientzia ederra izan zen, opor-aurrerako irteera bikaina.
