Skip to main content

DBH 2. mailakoak eskiatzen izan dira

Irudia
Eskiatzera

Pasa den astean DBH 2. mailako ikasleok eski-bidaia izan genuen. Martitzenean ordu txikietan abiatu eta egubakoitz gauean itzuli ginen Oñatira. Abenturaz eta esperientzia ahaztezinez betetako lau egun izan dira. Jakan egiten genuen lo, baina eskiatzera Astuneko eski-estaziora igotzen ginen. Elurrari dagokionez ez ginen oparotasunean ibili, baina behintzat eskiatu ahal izan genuen. Dena den, ikasleok argi utzi dugu ez dugula eski beharrik ondo pasatzeko eta ipurdi gainean elurretan behera ere, trineoan gindoazela sinistuta, dibertitu ginen.

Arratsaldetan Jaka herriko kaleetan barrena ibili ginen, eta familiakoekin Jakan izanda zirenek bertako berezitasunak erakutsi zizkiguten: zitadela eta bertako oreinak, edota horren famatua den “Rodolfito” pintxoa, adibidez. Afal ostean aterpetxeko korridorean edota gure geletan elkartzen ginen eta elkarri txutxumutxuak kontatzeko ordua izaten zen hori. Gure arteko erlazioak sendotzeko unea zen hori. Hamaika sekretu jakinda itzuli gara!

Ederra izan da bidaia! Joan gaitezke hurrengo urtean berriz?

 

Azken albisteak

“Nola ikusarazi gure ingurukoei etorkizuna gaurtik eraikitzen dela?” galderaren harira sortutako lanak eta ideiak gelako gurasoei aurkeztu dizkiete azoka formatuko ekintza batean.
Gelan lantzen ari diren ‘EHko Herria’ proiektuarekin lotuta, Ulma Packaging-eko eraikina eta bertako langileen jarduna bertatik bertara ikusteko aukera izan dute.
Oñatiko kirol talde inklusiboko kideek euren bizipenak eta kirol egokituko esperientziak partekatu dituzte ikasleekin.
Sexologia zerbitzua aurrez aurre zein online erabili daiteke, doakoa da, eta banaka, bikotean edo taldeka lan egiteko aukera dago.