‘Hala bazan… eta ez bazan?' PROIa amaitu berri dugu, eta PROI honetan zehar historiako aro ezberdinen inguruko lanketa egin dugu. Hori egin ondoren, talde bakoitzak historiako aro konkretu bat aztertu eta azaldu du, eta honen errealitate hipotetiko bat kontatu du liburuxka baten bitartez; hitzaurre bat idatziz eta komiki eder askoak marraztuz.
Gainera, DBH 1. mailako ikasleek amaierako produktu bezala sortutako komikiekin mailegu sistema bat ere martxan jarri dugu euren guraso eta familien artean, etxeetan ere ikasleek egindako lan onak ikus ditzaten.
Horretaz gain, gure LH 4. mailako ikasleek ere izan dute aukera PROI honetan sortutako komikiak entzun eta ikusteko, eta seguru gauza berriak ikasteko aukera polita izan dela. Mila esker gure LH-ko lagunei!
