Azken asteotan bisita berezia jaso dugu ikastolan, Txantxikuak 2zirik guraso talde boluntarioa gurekin izan da, LH 3. eta LH 5. mailako ikasle eta irakasleoi lehen sorospenei buruzko saio praktikoa eskaintzeko. Saioan zehar, larrialdi baten aurrean eman beharreko oinarrizko pausoak ikasi genituen.
Ondoren, talde txikitan banatuta eta ikastolako panpinak erabiliz, ikasleek bihotz-biriketako suspertzea (BBS) bertatik bertara praktikatzeko aukera izan zuten.
Gainera, beraien kezkak argitzeko eta bizipenak kontatzeko tartea ere hartu zuten, saioari giro ezin hobea emanez. Benetan esperientzia aberasgarria eta beharrezkoa izan da guztiontzat.
Horrelako ekimenei esker, ezusteko egoeren aurrean lasaitasunez eta segurtasunez erantzuteko tresna baliotsuak geureganatu ditugu.
Mila esker bihotzez, Txantxikuak 2zirik taldeko kideoi, zuen denbora, gertutasuna eta ezagutza gurekin partekatzeagatik. Aurten ere plazer handia izan da zuekin ikastea. Aupa zuek!!
