Irudia
Astelehen, martitzen eta eguenean, DBH 2. mailakook ‘Ubideak eta energia’ irteera egin genuen Natur Eskolakoek lagunduta. Bertan energia elektrikoa ekoizteko azpiegiturak ezagutu ahal izan genituen: Jaturabe eta Saratxo urtegiak, Aitzgaineko ur-biltegia eta horietatik hasi eta Olaterainoko ubide eta hodiak.
Eguraldia lagun Aitzulo ere bisitatzeko aukera izan genuen. Aitzulotik behera, erdiko kanala hartu eta Urrexolako parrokiara iritsi ginen. Bertan bazkaltzeko tarte bat hartu genuen eta ondoren Olateko indarretxean azkenengo azalpenak entzun genituen. Ederra izan da irteera, eskerrik asko Natur eskolako lagunei!
