DBH 3-ko ikasleok azken asteotan aukera izan dugu etorkizunera begira galdera garrantzitsu bati heltzeko: “Nola ikusarazi gure ingurukoei etorkizuna gaurtik eraikitzen dela?” Galdera horren bueltan, ‘Aukera Berriak’ PROIa garatu dugu, eta bidean hainbat gai landu ditugu: arrakasta eta porrota, autoirudia, norbere ezagutza, eta abar.
Hausnarketa sakon horiek borobiltzeko, proiektuari amaiera berezia eman diogu bi ekintza nagusirekin. Azoka txiki bat antolatu dugu ikasgelan, non ikasleek sortutako lanak eta ideiak gelako gurasoei aurkeztu dizkiegun. Benetan aberasgarria izan da gure sormena eta gogoetak guztiak gure gurasoekin partekatzea. Gainera, Amaia Samaniego gurasoaren bisita jaso dugu. Bere ibilbide profesionala eta bizitzako esperientziak oinarri hartuta, gazteei etorkizunari buruzko ikuspegia eskaini die.
Mila esker, Amaia, zure prestutasun eta gertutasunagatik! Eskerrik asko guraso guztioi, zuen seme-alabekin batera etorkizuna eraikitzen laguntzeagatik. Segi dezagun bidea elkarrekin egiten!
