Irudia
Maiatzaren 12, 13 eta 14an 6. mailako ikasleak, urtero egiten den bezala, Zuhatzako aterpetxera joan ginen. Eguraldia aldeko izan genuen eta oso gustura ibili ginen 3 egunetan. Ongi pasatzeko eta elkarrekin harremanak sendotzeko baliagarria izan zen egonaldia eta bertan betiko ur-ekintzekin ere primeran pasatzeko aukera izan genuen: piraguismo, windsurf, pedaloi, arraun, optimist... Urtegiko ura hotza bazegoen ere, bainua hartzeko tarteak ere izan genituen. Afaltosteko tarteak kanpalekuetan elkarrekin kontu kontari eta jolasean, marrazkiak egiten, elkarri txisteak kontatzen, elkarrekin abestiak abesten… igaro genituen. Aurtengo txangoa oso esperientzia aberasgarria izan da!
