Irudia
Osasuntuber proiektuaren barruan, Txantxiku Ikastolako LH 5. mailako ikasleek elikadura eta posturen inguruko lanketa berezia egin dute azken asteetan. Elikadurari dagokionez, Maite Sainz, ikastetxeko jantokiko arduraduna, gurekin izan zen. Elikadura orekatua eta eguneroko ohitura osasuntsuak mantentzearen garrantzia azaldu zigun. Horrez gain, jantokiko menuak nola planifikatzen diren ikusi genuen.
Posturen gaian, Intza Osa fisioterapeutak ohiko posturen arriskuez ohartarazi zigun eta gure gorputza zaintzeko ariketa praktikoak erakutsi zizkigun. Bizkarra zuzen mantentzea eta geldirik ez egotea funtsezkoak direla ikasi genuen. Eskerrik asko gure gonbidatuei emandako azalpenengatik eta gure egunerokotasuna hobetzen laguntzeagatik.
