Lehen Hezkuntzako 5. mailako ikasleek Trauti Hesirik Gabe elkartearen bisita jaso zuten berriro ere. Urtero bezala, ikasleek aukera paregabea izan zuten herriko irisgarritasun eta mugikortasun errealitatea bertatik bertara ezagutzeko. Trauti elkartea, bere izenak adierazten duen bezala ("tramankulu erabilgarriak"), irisgarritasun eta mugikortasun arazoak dituzten pertsonek egunerokoan dituzten erronkak ikusgarri bihurtzen saiatzen da, eta eskubideen defentsarako lana egiten du. Saioan zehar, ikasleek ulertu ahal izan zuten Oñatiko hainbat gunetan oraindik ere aurkitzen direla oztopoak: espaloietan, eskaileretan, autoen aparkalekuetan, espazio zabal edo estuetan zein eraikin publikoetan.
Teknologia berriek egoera hobetzen lagundu duten arren, badira oraindik ere hobetu beharreko espazioak eta, batez ere, guztion artean elkarbizitza eta errespetua sustatzeko jarrera egokiak lantzeko beharra. Eskerrik beroenak Trauti Hesirik Gabe elkarteari, beste behin ere gure begiak eta bihotzak zabaltzeagatik.
