Irudia
Aurreko astean, LH 6. mailako ikasleekin Natur Eskolan izan ginen. Euskal Herriko ibaietako zein baso inguruko fauna izan genituen hizpide. Animalia ezberdinen ezaugarriak eta bizilekuak ezagutzeaz gain, ibaian eta inguruko eremuetan animalien bila aritu ginen. Ikasleek aukera izan zuten espezie batzuk, uhandreak esaterako, zuzenean ikusteko eta horien izenak zein ezaugarriak ikasteko.
Ekintza aberasgarria izan zen eta goiz atsegina igaro genuen. Ikasleek interes handiz parte hartu zuten eta esperientzia honek naturarekiko jakin-mina sustatu zuen, ingurune hurbila hobeto ezagutuz.
