Skip to main content

Txantxiku Ikastolak antolatuta, suaren bueltan dantzan eta kantuan

Argazkia: GOIENA

Albistea: GOIENA (Oihana Elorza Gorostiza)

Mikel Laboa, Zetak edo Xabier Solanoren kantak entzun eta dantzatu dituzte udako solstizioaren ospakizunen gauean, San Juan sua piztu bitartean. San Juanetako koplak abestu dituzte txondorrak indarra hartu duenean.

Plaza ondoko jolasgunean prestatu dute txondorra egun argiz eta erabat ilundu aurretik eman diote su, 22:00etan. Mikel Laboaren Baga Biga Higa, Xabier Solanoren Erre zenituzten eta Zetak taldearen Akelarretan kantuen zati bana entzun dira segidan, bata bestearen segidan, Txantxiku ikastolako DBH2ko ikasleek suaren bueltan dantza egiten zuten bitartean. Inguruan, hesien atzean, hainbat herritar begira eta kantuan.

Txantxiku ikastolak antolatuta, eta Jose de Azpiazu musika eskolaren, Aita Madina txistulari taldearen eta Txinparta bertso eskolaren laguntzarekin egin dute San Juan sua, urteko gaurik motzenean. Txistulariek San Juan zortzikoa jo dute eta sanjuanetako koplak abestu dituzte herritarrekin; bertso eskolakoen koplak ere izan dira. Azkenerako, oraindik sua indartsu dela, inguratutako herritar asko atera dira suaren ondora dantzara.

GOIENAKO ARGAZKI GALERIA IKUSI
 

Azken albisteak

Gure_haurrak_ere_badira
Orokorra

Urriaren 9an, elkarretaratzea, Palestina pairatzen ari den genozidioa salatzeko

16:30ean elkarretaratzea egingo dugu.
Txantxikuaren jaitsiera 2025
HH
LH

Oñatiko jaixak Txantxiku Ikastolan

Irailaren 26an Txantxikuaren jaitsierarekin hasi ginen patioan jaixak berotzen, eta beste hainbat ekintza burutu ditugu egunotan.
Bizipoza aurkezpena
LH

Bizipoza gure gelan!

Aste honetan LH 3. eta 4. mailako ikasleek esperientzia berezi bat bizi izan dute. Bizipoza elkartearen aurkezpena izan dugu eskolan, Pontx eta Zapotxin pailazoen eskutik.
Danborrada 2025
HH
LH

Danborrada ikastolan

Haur Hezkuntzako 3, 4 eta 5 urtekook eta Lehen Hezkuntzako 1. zikloko ikasleok ikastolako danborradan parte hartu dugu gaur goizean. Gelan prestatutako txanoak jantzi ditugu eta danbor hotsez gozatu dugu.
Gehiago