Ikasturte honetan Aisiola Hezitzaile Eskolak, Txantxiku ikastolarekin batera, haur eta gazteen aisialdirako hezitzaile izateko ikastaroa antolatu du Oñatin. Ikastaroaren xede nagusia, euskara, gizartea eta ingurugiroarekiko errespetua funtsezko balioak direla ulertuta, eta jolasa ikasteko berariazko tresnatzat hartuz, kalitatezko prestakuntza euskalduna eskaintzea da.
Ikasleek etorkizunean lan-munduan erantzunkizunez, autonomiaz eta arduraz jarduteko gaitasuna lortzea nahi dugu, eta horretarako, ikastaroak ondorengo balio hauek ditu oinarri: euskalduna, ingurumenarekin konprometitua, hurbilekoa, profesionala eta bizikidetza erdigunean jartzen duena.
IKASTAROAREN INGURUKO INFORMAZIOA:
- Norentzat: 17 urtetik gorako gazteentzat.
- Non eta noiz: Txantxiku ikastolan. Urriaren 31tik maiatzaren 29ra (ostiralero, 15:30-20:30). 150 ordu teoriko eta 160 ordu praktiko.
- Titulazioa: Haurren eta gazteen aisialdirako jardueren dinamizazioa (Eusko Jaurlaritzak homologatutako titulua).
- Prezioa: ikastoletako ikasleek: 450€. Ikastolako ikasleak ez direnek: 475€.
- Izen ematea: urriak 24 arte zabalik. Zirimola.eus web orriaren bitartez.
*Edozein zalantza izanez gero jarri harremanetan: aisiola@ikastola.eus edo 943 445 108.
