Irudia
Aurreko asteetan kontatu dizuegu azaroaren 15erako elkartasun-irteera antolatu genuela Beskoitzera. Ikastolari laguntzeko musika jaialdia egitekoak ziren, Brigade Loco, Sorhots edota Somak taldeak tarteko. Eta Txantxiku Ikastolatik autobusa ere antolatu genuen.
Penaz, baina, adierazi behar dizuegu Beskoitzeko Ikatsolako lagunek jaialdia bertan behera uzteko erabakia hartu dutela azkenean, sarrera salmenta espero baino motelago zihoala kontutan hartuta, eta diru-galera posibleak ekidin aldera.
Gure aldetik, eskerrik asko bertaratzeko asmoa erakutsi duzuen guztioi. Guk Beskoitze eta Txantxiku ikastolen eta bi herrien arteko harremana sendotzen jarraituko dugu aurrerantzean ere.
