Aurreko ostiralean, 7KP-ko ebaluazio lantaldea, eta bertan lanean diharduten Txantxiku Ikastolako bi kide, Madrilen izan ziren, ResearchED jardunaldietan parte hartzen. Haiekin batera Ikastoletako ordezkariak eta ikuskariek ere parte hartu zuten, baita Arizmendi, Anoeta eta Orioko ikastoletako lankideek ere.
Topaketaren ardatza ebaluazio hezigarria izan zen, eta abiapuntua ebidentzia zientifikoan oinarritu zen: hezkuntza hobetu nahi badugu, erabakiak datuetan eta ikerketan oinarritu behar ditugu. Maila handiko adituen ekarpenak entzuteko aukera egon zen, besteak beste Neus Sanmartí, Mariana Morales, Dylan Wiliam eta Héctor Ruíz Martinen hitzaldien bidez. Haien ekarpenek gure ikastolan jada martxan dugun ebaluazio-markoarekin bat egiten duten ikuspegi sendoak partekatu zituzten, eta agerian geratu zen Txantxiku Ikastolak hartutako norabideak bat egiten duela gaur egun eskura dugun ebidentzia zientifikoarekin. Orain, jasotako ideia eta iradokizunak gure ikastolan praktikan nola jarri lantzen hasiko dira.
