Irudia
Aste honetan Gema Bikuñaren azalpenak jaso ditugu Batxilergo 1. mailako biologiako ikasleok. Mikrobiologiaren azalpen orokorrak eta erizain moduan lanean erabili behar diren prozedurak azaldu dizkigu hasieran, eta, ondoren, material eta test desberdinak erakutsi dizkigu. Erizain lanetan ere jarri gara eta laginak hartu eta test-ak frogatzeko aukera ere izan dugu.
Saio oso baliagarria izan da, batez ere, ulertu dugulako osasunerako zeinen garrantzitsua den mikrobiologiako ezagutzak izatea, prebentzioa eta antibiotikoak bezalako medikamentuak ondo erabiltzea. Eskerrik asko Gema zure prestutasunagatik eta zure ezagutzak hain atsegin eta interesgarri egiteagatik!
