Atzoko egunez, eta inauteri jaiei hasiera emanez, LH 5. eta 6. mailetako ikasleek Oñatiko Inauteri Txikia kalera eraman zuten, inguru guztiak musikaz eta dantzaz betetzen zirelarik. Ekitaldia Olaitturrin hasi eta, kalejira animoso baten ondoren, plazan bukaera eman zitzaion. Ikasleek ederki dantzatu zituzten ikasitako dantzak eta inauteri hauetako pertsonaia guztiekin batera (Hartza eta Artzaina, Erraldoiak, Borreroak...) herritarrei kolorez betetako ikuskizun ederra eskaini zieten. Zorionak parte hartu duten ikasle, irakasle eta herritar guztiei!
Bestalde, gaur arratsaldean, HH eta LH-ko ikasleek ez dute eguraldia lagun izan eta kiroldegian egin dute beraien urteroko desfilea. Zirku aparta eraiki dute kantxa berdean! Ez da musika ez dantzarik falta izan bertan. Ondoren dantzaldia egon da Gauargiren eskutik, eta txokolate solidarioa ere banatu da; batutako dirua Arberoa Ikastolara bideratuko da. Gora inauteriak!
