LH 5. mailako ikasleok urtarrilaren 30ean bisita oso berezia jaso genuen ikastolan: Sheila, ingeles natiboa, eta Beatriz, ikastolako ingeleseko irakasle ohia. "Herri txiki, altxor handi" proiektuan murgilduta gaudenez, hizkuntzen mundua hobeto ezagutzeko gonbidatu genituen. Azken asteetan hizkuntza nagusiak eta gutxituak zer diren ikasten aritu gara, eta horregatik galdera asko genituen beraientzat. Aurretik, taldeka jarri eta galdera-sortak prestatu genituen (talde bakoitzak 5-8 galdera inguru!), eta eguna iritsi zenean, denak ingelesez egin genizkien.
Oso esperientzia aberasgarria izan zen, gauza berri asko ikasteko aukera izateaz gain, ingelesa praktikatzeko ere aprobetxatu genuen! Sheila eta Beatrizen erantzunekin asko disfrutatu genuen eta, egia esan, denok poz-pozik amaitu genuen eguna. Eskerrik asko etortzeagatik!
