LH 5. mailako ikasleok, hurrengo proiektua aitzikitzat hartuta, Natur eskolakoekin egindako irteeraz gozatzeko aukera izan genuen, kontsumo arduratsua lantzeko asmoz. Oñatiko Murgia eta Asentzio auzoen inguruan egindako ibilaldian, gauza interesgarri pila bat ikusi eta ikasi genituen.
Ibilbidean zehar, ortu desberdinak ezagutu genituen, eta bertan bertako eta sasoiko produktuen garrantziaz aritu ginen. Horrez gain, antzinako errota zaharrak aztertu eta nola funtzionatzen zuten ikusi genituen. Erreken indarra ikusita, uraren indarra erabiliz elektrizitatea nola sortzen den ere ikasi genuen. Naturarekin harreman zuzenean egoteak beti ematen ditu ezustekoak. Ibilaldietako batean, kuriositate gisa, erreka batean basurde bat hilda ikusi genuen; naturak bere alde gordina baduela ohartzeko aukera izan genuen.
Oro har, irteera oso aberasgarria izan zen: ikasteaz gain, naturaz gozatu eta esperientzia desberdinak bizitzeko aukera izan genuen.
