Aurten ere martxan da Txantxikuak 2zirik proiektua, lehen sorospenen inguruko ezagutzak zabaltzeko helburuari eutsiz. Abendutik urtarrilera bitartean, ikastolako hainbat mailatan aritu gara larrialdi baten aurrean nola jokatu azaltzen eta praktikan jartzen. Lehen Hezkuntzako 3. eta 5. mailetan, guraso boluntarioen laguntza izan dugu. Haien eskutik, larrialdi egoeran eman beharreko lehen pausoak ikasi ditugu eta, ikastolako panpinekin, Bihotz-Biriken Suspertzea (BBS) egiteko lehen maniobrak landu ditugu.
Bestalde, Lehen Hezkuntzako 1. mailako ikasleek bisita berezia jaso zuten. Batxilergo 2. mailako Jarduera Fisikoa, Aisialdia eta Osasuna ikasgaiko ikasleek saio praktikoa prestatu zuten txikientzat. Ikasleek etxetik ekarritako panpinekin, lehen sorospenen oinarriak lantzen aritu ziren. Hemen duzue erabili zuten bideoa. Etxean ikusi eta denon artean praktikatzera animatzen zaituztegu! Eskerrik asko zuen laguntzagatik eta inplikazioagatik!
