Pasa den astean, LH 4. mailako ikasleek bisita berezi bat jaso zuten: Bizipoza eskolako eragilea den GALUHA elkarteko (Oñatiko Sahararren elkarteko) kideak gure ikastolan izan ziren, Mendebaldeko Sahararen errealitatea gertutik ezagutarazteko.
Hitzaldian zehar, Mendebaldeko Sahararen historia azaldu ziguten, baita gaur egun saharar herriak bizi duen egoera ere. Ikasleek adi-adi jarraitu zituzten azalpenak, eta bertako irudi eta bideoei esker, han bizi diren familien egunerokotasuna hobeto ulertzeko aukera izan zuten.
Saioaren amaieran, galderak egiteko tartea ireki zen, eta gure ikasleek jakin-min handia erakutsi zuten. Benetan galdera interesgarriak eta sakonak atera ziren, gaiarekiko interesa eta enpatia agerian utziz.
Eskerrik beroenak eman nahi dizkiegu GALUHA elkarteko kideei, gurekin partekatu duten denboragatik, gertutasunagatik eta emandako azalpen aberasgarriengatik. Plazer bat izan da zuekin ikastea!
Eskerrik asko Raboub, Mailin eta Oneka!!
