2026ko Kilometroak berezia izango da: 50. edizioa ospatuko da, Lazkaon. Testuinguru horretan, programazioaren barruan, ‘50 jai; 50 tontor’ ekimena antolatu da. Ekimenaren helburua da Gipuzkoako ikastola guztien artean egun berean 50 tontor egitea, ikastola bakoitzak inguruan duen tontor edo gune berezi batera hurbilduz. Eta, nola ez, Txantxiku Ikastolako kideok ere parte hartuko du ekimenean.
Gure kasuan, EA 2030 Guraso Kontseiluak hartu du ekimen hau aurrera eramateko konpromisoa, eta hauxe da proposamena: Maiatzaren 24an, igandea, Aloñan elkartzea denok 11:00etan, talde-argazkia ateratzeko. Eta aurtengo garapen jasangarrirako helburua Ekoizpen eta Kontsumo Arduratsua denez, ostean, 13:00ak inguruan, Gesaltza Gaztandegira bisita egingo dugu.
Gesaltza Gaztandegira joan nahi duzuenok izena eman behar duzue, familia kopurua zehazteko, maiatzak 15 baino lehen. Maiatzaren 8ko albiste buletinean duzue esteka!
Bestetik, DBHtik gorako ikasleentzat beste tontor batera igotzeko proposamena egingo da: ziurrenik Orkatzategira. Datorren astean emango dizkizuegu zehaztapenak.
Animatu parte hartzera! Elkarrekin, Kilometroaken 50. urteurrena modu berezian ospatuko dugu.
