Lehen Hezkuntzako 1. zikloko ikasleak ‘Marro Marroka’ izeneko proiektuarekin ibili dira azken asteetan. Proiektu honen helburua aintzinako jolasak ezagutzea eta berreskuratzea izan da. Honi hasiera emateko, ikasleek aukera paregabea izan zuten jolas hauek lehen eskutik ezagutzeko: arratsalde batean, gelako ikasleen aiton-amonak etorri ziren ikastolara, eta beraiek txikitan jolasten zituzten jolasak erakutsi zizkieten. Esperientzia aberasgarri horren ondoren, gelan bertan jolas horiek lantzen jarraitu dugu, arauak ikasi, praktikan jarri eta haien inguruko informazioa bilduz.
Prozesu honen emaitza gisa, aintzinako jolasen bilduma bat osatu dugu. Proiektuari amaiera emateko, ikasgelatik atera eta bilduman landutako jolasak praktikan jarri ditugu, modu aktibo eta dibertigarrian ikasitakoa bizituz.
