Skip to main content

Intxaurrondoa, oroimenaren eta zaintzaren sinbolo

Intxaurrondoa

Duela aste batzuk, Ikastolaren astearen egitarauaren baitan, HH 3 urtetik LH 2. mailara bitarteko ikasleek Zorionak Marimotots emanaldiaz gozatzeko aukera izan zuten. Amaren intxaurrak ipuinean oinarritutako ikuskizunaren bidez, dolua modu goxo eta egokian lantzeko aukera izan genuen.

Emanaldi haren amaieran, Porrotxek eta Mari Mototsek intxaurrondo bat oparitu ziguten, maite ditugunak gogoratzeko eta dolu prozesuan laguntzeko. Bada, egun hauetan intxaurrondo hori ikastolako ortuan landatu dugu.

Aurrerantzean, zuhaitz txiki hori hazten joango da gure artean, oroimenari, zaintzari eta bizitzari lotutako sinbolo eder bihurtuta. Maite ditugunak gogoan izateko txoko berezi bat izango dugu ikastolan.

Azken albisteak

DBH 4 Ulma Packaging-en
DBH

DBH 4ko ikasleak Ulma Packaging-en

Pasa den maiatzaren 4an DBH 4ko ikasleak Ulma Packaging bisitatu genuen Ulma Fundaziotik jasotako gonbidapenari esker. Lehendabizi Ulma kooperatibaren negozio ezberdinak aurkeztu zizkiguten.
Barria
LH

Bigarren mailakoen txango ahaztezina Barriara

Aurreko asteko ostegun eta ostiralean, bigarren mailako ikasle eta irakasleok Barriara txango ederra egiteko aukera izan genuen. Bi egun zoragarri izan ziren, emozioz, barrez eta bizipen berriz beteak.
Zaindu Oñatiko dendak
HH

Zaindu Oñatiko dendak

Joan den ostegunean, Oñatiko dendak proiektua borobiltzeko, Haur Hezkuntzako 4 urtekook Argitxu Perosterena gonbidatu genuen ikastolara.
LH 1 Marro marroka
LH

Lehenengo zikloko ikasleak marro-marroka

Lehen Hezkuntzako 1. zikloko ikasleak ‘Marro Marroka’ izeneko proiektuarekin ibili dira azken asteetan eta aintzinako jolasak ezagutu eta berreskuratu ditugu.
Gehiago