Gaur, LGTBIQ+ fobiaren aurkako nazioarteko eguna ospatu eta aldarrikatu dugu ikastolan. Egun honen helburua aniztasuna balioan jartzea, errespetua sustatzea eta pertsona guztien eskubideak defendatzearen garrantzia azpimarratzea izan da. Horretarako, egun osoan zehar hainbat ekintza egin ditugu ikastolako etapa desberdinetan.
Alde batetik, LGTBIQ+ banderak jarri ditugu leihoetan ikusgarritasuna emateko. Bestetik, geletan ipuinak eta material desberdinak erabili ditugu gaia lantzeko, ikasleen adinari egokituta eta hausnarketarako espazioak sortuz.
Egunari amaiera emateko, HH eta LH etapetako ikasleak patioan elkartu gara ekintza bateratu batean parte hartzeko. Maila bakoitzak kolore ezberdineko kartulinak izan ditu eskuetan, eta denen artean ortzadar koloretsu bat osatu dugu.
Ikastolatik argi adierazi nahi izan dugu aniztasunean hezten jarraitu nahi dugula, errespetua, askatasuna eta berdintasuna oinarri hartuta.
